ମଧୁମେହ ସହ ଏହି ସବୁ ଶାରୀରିକ ସମସ୍ୟାକୁ ଦୂର କରିଥାଏ କଖାରୁ ମଞ୍ଜି
କଖାରୁ ଏକ ଏମିତି ପରିବା ଯାହାକୁ ଅନେକ ଲୋକ ଖାଇବାକୁ ପସନ୍ଦ କରନ୍ତି ନାହିଁ । କିନ୍ତୁ କଖାରୁ ଏବଂ ତାର ମଞ୍ଜିରୁ ଯେଉଁ ସବୁ ଲାଭ ଶରୀରକୁ ମିଳେ, ସେ ସବୁ ବିଷୟରେ ଜାଣିବା ପରେ ଆପଣମାନେ ନିଶ୍ଚୟ ଖାଇବା ଆରମ୍ଭ କରିବେ । ଆସନ୍ତୁ ଜାଣିବା ଏଥିରୁ ମିଳୁଥିବା ଫାଇଦା ବିଷୟରେ…
୧. କଖାରୁ ମଞ୍ଜି ଶରୀରରେ କୋଲେଷ୍ଟ୍ରଲକୁ ନିୟନ୍ତ୍ରଣରେ ରଖିଥାଏ । ଏଥିରେ ମ୍ୟାଗ୍ନେସିୟମର ମାତ୍ରା ଅଧିକ ରହିଥାଏ । ଯାହା ହୃଦ୍ ସ୍ପନ୍ଦନକୁ ଠିକ୍ ରଖିଥାଏ । ଏହା ସହ ଉଚ୍ଚ ରକ୍ତଚାପ, ହୃଦ୍ଘାତ ଏବଂ ଷ୍ଟ୍ରୋକ୍ ହେବାର ଆଶଙ୍କା କମ ହୋଇ ଯାଇଥାଏ ।
୨. କଖାରୁ ମଞ୍ଜିରେ ପ୍ରଚୁର ପରିମାଣରେ ଜିଙ୍କ ରହିଥାଏ, ଯାହା ଶରୀରର ରୋଗ ପ୍ରତିରୋଧକ ଶକ୍ତିକୁ ବଢ଼ାଇଥାଏ ।
୩. କିଛି ଲୋକଙ୍କ ପାଖରେ ନିଦ୍ରାହୀନତା ଦେଖା ଯାଇଥାଏ । ଅଧିକ ରାତି ପର୍ଯ୍ୟନ୍ତ ସେମାନଙ୍କୁ ନିଦ ନ ଆସିବା ସହ ସେମାନେ ଶୋଇବା ପାଇଁ ଔଷଧର ସାହାରା ନେଇଥାନ୍ତି । ତେବେ ଭଲ ନିଦ ହେବା ପାଇଁ ଗୋଟେ ଗ୍ଲାସ କ୍ଷୀରରେ ଗୋଟେ ଚାମଚ କଖାରୁ ମଞ୍ଜି ଚୁନା ମିଶାଇ ପିଅନ୍ତୁ ।
୪. କିଛି ଲୋକଙ୍କୁ ରାତିରେ ଅଧିକ ପରିଶ୍ରା ଲାଗିଥାଏ । ଏଭଳି ସମସ୍ୟାରୁ ମୁକ୍ତି ପାଇବା ପାଇଁ କଖାରୁ ମଞ୍ଜିକୁ ଭାଜି ଖାଇବା ଆରମ୍ଭ କରନ୍ତୁ ।
୫. କଖାରୁ ମଞ୍ଜିରେ ଅଧିକ ମାତ୍ରରେ କ୍ୟାଲୋରୀ ରହିଥାଏ । ତେଣୁ ଓଜନ କମ କରିବାକୁ ଚାହୁଁଥିବା ଲୋକେ କମ ମାତ୍ରରେ କଖାରୁ ମଞ୍ଜି ଖାଆନ୍ତୁ ।